Daxili işlər orqanlarında yeni təyinat olub. Daxili işlər naziri, general-polkovnik Ramil Usubovun müvafiq əmrinə əsasən Quba rayon Polis Şöbəsinin rəisi Telman Xasıyev tutduğu vəzifədən azad edilərək İsmayıllı rayon Polis Şöbəsinin rəisi vəzifəsinə təyinat alıb.
Sumqayıt şəhər Polis İdarəsinin rəis müavini Süleyman Nemətov isə Quba Rayon Polis Şöbəsinin rəisi vəzifəsinə təyinat alıb.
Qeyd edək ki, AzərPeyk, Quba Rayon Polis Şöbəsinin rəisi Telman Ağasıyev vəzifəsindən azad edilib, İsmayıllı Rayon Polis Şöbəsinə təyin edilməsi ilə bağlı xəbəri 16.03.2016 tarixində yazmışdı.
http://azerpeyk.az/index.php/12xeber/1375-telman-a%C4%9Fas%C4%B1yev-v%C9%99zif%C9%99sind%C9%99n-azad-edildi.html
Məlumat üçün bildirək ki, bir müddət öncə İsmayıllı Rayon Polis Şöbəsinin rəisi Nizami Qocayev xidmətdə olmanın son yaş həddi ilə bağlı tutduğu vəzifədən kənarlaşdırılmışdı. Həmin vaxtdan bu günə qədər rəisi vəzifəsini, rəis müavini Şöhrət Kərimov icra edirdi. İsmayıllı rayon Polis Şöbəsinin rəisi vəzifəsindən azad edilən Nizami Qocayev isə Ədliyyə Nazirliyi İcra Baş İdarəsinin Gəncə şəhəri üzrə icra idarəsinin rəisi təyin edilib.
AzərPeyk
